पनवेल दि.०५ (वार्ताहर) : कामोठे वसाहतीमधील ७० वर्षीय ज्येष्ठ नागरिकाला ऑनलाइन व्यवहारात भामट्यांनी २७ लाख रुपयांचा गंडा घातला आहे. याप्रकरणी कामोठे पोलीस ठाण्यात अनोळखी चोरट्यांविरोधात तक्रार दिली
असून पोलीस चोरट्यांचा शोध घेत आहेत. अजय उमापद मित्रा असे या सेवानिवृत्त ज्येष्ठ नागरिकाचे नाव आहे. मित्रा हे कामोठे येथील सेक्टर २० मधील पार्थ ॲन्हेन्यू या सोसायटीत राहतात.
मित्रा यांनी सोफा व बेड विक्रीसाठी उपलब्ध असल्याचे एका नामांकित संकेतस्थळावर प्रसिद्ध केल्यावर भामट्यांनी मित्रा यांच्याशी संपर्क साधून या वस्तू खरेदीची तयारी असल्याचे भासविले.
प्रत्यक्षात सहा भामट्यांनी मित्रा यांना वेळोवेळी व्यवहार पूर्ण होणार असल्याचे आश्वासन देऊन त्यांच्याकडून २७ लाख ७७ हजार २३५ रुपये ऑनलाइन पद्धतीने फसवणूक करून लंपास केले. अखेर मित्रा यांनी पोलीस ठाण्यात धाव घेतली.
Tags
पनवेल