कळंबोलीत एका इसमाची निघृण हत्या; परिसरात उडाली खळबळ

कळंबोलीत एका इसमाची निघृण हत्या; परिसरात उडाली खळबळ

पनवेल दि.०८ (संजय कदम) : कळंबोली वसाहतीमध्ये एका इसमाची अज्ञात कारणावरून अज्ञात इसमांनी धारदार शस्त्राने सेक्टर ४ मधील उद्यानात आज पहाटेच्या सुमारास हत्या केल्याने परिसरात खळबळ उडाली आहे

.    

          मयत इसमाने नाव यशपाल सिंग खासा (वय ४१) असे असून आज पहाटेच्या सुमारास अज्ञात कारणावरून अज्ञात इसमांनी त्याच्या राहत्या घराबाहेरील सेक्टर ४ मधील उद्यानात धारदार शस्त्राने हत्या केली. पहाटेच्या सुमारास घडलेल्या या घटनेने परिसरात खळबळ उडाली आहे. या घटनेची माहिती मिळताच सहाय्यक पोलीस आयुक्त भागवत सोनावणे व कळंबोली पोलिसांचे पथक यांनी घटनास्थळी दाखल होत पाहणी केली. त्यांनतर त्यांनी परिसरातील सर्व पोलीस ठाण्यातील गुन्हे विभागाच्या अधिकाऱ्यांना पाचारण केले

. पोलिसांनी परिसरातील स्थानिक नागरिकांकडून घटनेची चौकशी करून परिसरातील सीसीटीव्ही फुटेज हस्तगत केले आहे. त्यामुळे लवकरच या गुन्हाचा छडा लावू असा विश्वास पोलिसांनी व्यक्त केला आहे.