पनवेल दि. २० ( संजय कदम ) : पनवेल शहर व खोपोली परिसरात दुचाकी वाहनांसह सोन्याची चैन चोरणाऱ्या सराईत गुन्हेगारास पनवेल शहर पोलिसांनी केली सापळा रचून अटक केल्याने अनेक महत्वाचे गुन्हे उघडकीस येणार आहेत.
पनवेल शहर पोलीस ठाणे हद्दीत डोंबाळा कॉलेज येथील शिव मंदिर जवळ, एका इसमास तीन व्यक्तीने मारहाण करून पैसे घड्याळ व इतर मौल्यवान वस्तू काढून घेतल्याची तक्रार पनवेल शहर पोलीस ठाण्यात करण्यात आली होती . याबाबत पनवेल शहर पोलीस ठाण्याचे वरिष्ठ पोलीस निरीक्षक नितीन ठाकरे यांच्या मार्गदर्शनाखाली पो. उप.नि. अभयसिंह शिंदे,पोहवा परेश म्हात्रे, पो हवा वाघमारे.पोहवा महेंद्र वायकर, पोना रवींद्र पारधी, पोना मेथे, पोशि प्रसाद घरत.पोशि कांबळे आदींच्या पथकाने गुन्हा करण्याच्या पद्धतीवरून गुप्त बातमीदारांकडून आरोपींची माहिती काढुन सदर गुन्ह्यांतील फरार मुख्य आरोपी विकास जयस्वाल वय (22) वर्ष हा सदर गुन्हा घडल्यापासून ते आज पावतो आपले अस्तित्व लपवण्यासाठी चेन्नई राज्य तामिळनाडू तसेच वेगवेगळ्या राज्यात वेगवेगळ्या ठिकाणी लपून राहत असल्याबाबत तांत्रिक तपासाद्वारे त्यांना समजले होते.
Tags
पनवेल