पनवेल दि २४( संजय कदम) : रायगड जिल्हा परिषद उर्दू शाळा वडघर तालुका पनवेल येथे दप्तरवीना शाळा उपक्रम अंतर्गत प्लास्टिक कचरा मुक्त उपक्रम राबविण्यात आला. या उपक्रमाचे उद्दिष्ट विद्यार्थ्यांना प्लास्टिक कचरा मुक्त जीवनशैलीचे महत्त्व पटवून देणे होते.
कार्यक्रमाच्या सुरुवातीला शाळेच्या मुख्याध्यापक तसनिम मुल्ला यांनी सर्व शिक्षकांचे व विद्यार्थ्यांचे स्वागत केले. प्लास्टिक कचरा हा पर्यावरणासाठी एक मोठा धोका असल्याचे सांगितले. प्लास्टिक कचरा वेळोवेळी योग्य पद्धतीने न विल्हेवाट लावल्यास तो जमिनीवर व पाण्यात साठतो आणि पर्यावरणाचे नुकसान होऊ शकते.यानंतर शाळेच्या शिक्षक समीर सय्यद,असलम कौचाली,परवीन खान यांनी प्लास्टिक मुक्त करण्यासंबंधी विद्यार्थ्यांना मार्गदर्शन केले.प्लास्टिक कचरा हा पर्यावरणासाठी एक मोठा धोका असल्याचे सांगितले. प्लास्टिक कचरा वेळोवेळी योग्य पद्धतीने न विल्हेवाट लावल्यास तो जमिनीवर व पाण्यात साठतो आणि पर्यावरणाचे नुकसान होऊ शकते
.शाळेच्या विषय शिक्षिका अंजुम समीर सय्यद यांनी विद्यार्थ्यांना कागदी व कपडाचे पिशव्या कश्या प्रकारे तयार करू शकतात याचे प्रात्यक्षिक करून दाखविले.इयत्ता पाचवी ते आठवी च्या विद्यार्थ्यांकडून कागदी व कापडी पिशव्या तयार करून घेण्यात आल्या. व कागदाचे पिशव्या शाळेच्या मुख्याध्यापक यांना भेट देण्यात आल्या.शेवटी मुख्याध्यापक तसनिम मुल्ला यांनी शाळेतील उपक्रमशील शिक्षकांचे कौतुक केले सर्व विद्यार्थ्यांना भावी जीवनात प्लास्टिक च्या पिशव्या न वापरण्याबाबत सूचना केल्या.या कार्यक्रमामुळे विद्यार्थ्यांना प्लास्टिक कचरा मुक्त जीवनशैलीचे महत्त्व पटून आले. विद्यार्थ्यांनी कागदी व कापडी पिशव्या तयार करून प्लास्टिक पिशव्या वापरणे बंद करण्याचा संकल्प केला.
Tags
पनवेल