पनवेल दि.०३ (संजय कदम): एका इसमाला ती अज्ञातांनी चाकूचा धाक दाखवून त्याच्याकडून ९ हजार ६०० रुपयांची रोख रक्कम आणि मोबाईल चोरून नेल्याची घटना पनवेल शहर परिसरात घडली होती. या प्रकरणी शहर पोलिसांनी तीन आरोपींना अवघ्या १ तासात अटक केली आहे.
फिर्यादी बजरंग पवार (वय २२) हा पनवेल रेल्वे स्टेशन रोडवरून डॉ.बाबासाहेब आंबेडकर पुतळ्याकडून पायी जात असताना आरोपी साहील धोत्रे, प्रथम जाधव, डेविड जोसेफ या त्रिकुटाने आपसात संगणमत करुन त्याला हाताबुक्याने मरहाण करुन त्याच्या गळयाला चाकु लावुन, त्याचा हात धरुन ठेवुन खिश्यातील ९ हजार ६०० रुपये आणि मोबाईल जबरी चोरी करून ते पसार झाले होते.
याबाबत त्याने पनवेल शहर पोलीस ठाण्यात तक्रार दाखल करताच वरिष्ठ पोलीस निरीक्षक विजय कादबाने यांच्या मार्गदर्शनाखाली पोउपनि अभयसिंह शिंदे, पोहवा रविंद्र राऊत, पोहवा परेश म्हात्रे, पोहवा महेंद्र वायकर, पोना रविंद्र पारधी, पोना विनोद देशमुख, पोशि प्रसाद घरत यांनी तात्काळ घटनास्थळी धाव घेवुन गुप्त बातमीदार व तांत्रिक तपासद्वारे अवघ्या १ तासात तीनही आरोपींना गुन्ह्यातील मुद्देमालासह ताब्यात घेते आहे.
