पनवेल दि. २३. ( वार्ताहर ) : वाहनांनी वर्दळलेल्या रस्त्यावरून पादचारी नागरिकांना सुरक्षितपणे चालता यावे यासाठी महापालिकेने लाखो रुपये खर्च करून रस्त्याकडेला फूटपाथ बांधले आहेत. परंतू काही बेशिस्त वाहन चालक व काही माजोर वाहन मालक आपली चारचाकी वाहने राजरोसपणे फूटपाथवर उभी करून पादचारींचा रस्ता अडविण्याचे काम करीत असतात.
महापालिकेचे अतिक्रमण हटाव पथक व वाहतूक शाखेचे टोचण वाहनावरील पोलीस पथक याकडे दुर्लक्ष करताना दिसून येत आहे. एरवी रस्त्याच्या कडेला उभी दुचाकी उचलून धन्यता मानणाऱ्या टोचन वाहनावरील वाहतूक पोलीसांना ' नो पार्कींग क्षेत्र असलेल्या फूटपाथवर उभी केलेली चार चाकी वाहने दिसून येत नाहीत कि डोळ्यावर झापड लावली आहेत.
Tags
पनवेल