रविवारी हळदी कुंकू व खेळ पैठणीचा कार्यक्रम

पनवेल(प्रतिनिधी) माघी गणेशोत्सवानिमित्त तालुक्यातील खुटारी येथील जय मातादी ग्रुपच्यावतीने स्व. जनार्दन म्हात्रे यांच्या स्मृतीप्रित्यर्थ रविवार दिनांक २९ जानेवारी रोजी 'हळदी कुंकू' समारंभ व 'खेळ पैठणीचा' या सामाजिक कार्यक्रमाचे आयोजन करण्यात आले आहे. 

             खुटारी येथील श्री चैतन्यश्वर मंदिर येथे होणाऱ्या या कार्यक्रमात सायंकाळी ०४ वाजता 'हळदी कुंकू' समारंभ, त्यानंतर 'खेळ पैठणीचा', तसेच मनोरंजक स्पर्धा  होणार आहेत. या समारंभाचा जास्तीत जास्त लाभ घ्यावा, असे आवाहन समारंभाचे आयोजक माजी सरपंच नंदकुमार म्हात्रे, माजी सदस्य विलास म्हात्रे, तळोजा मध्यवर्ती कारागृह अशासकीय अभ्यागत मंडळ सदस्या लीना म्हात्रे, महिला आघाडीच्या माजी अध्यक्षा सविता म्हात्रे यांनी केले आहे.