पनवेल दि. ०२ ( संजय कदम ) : पनवेल परिसरात एका महिलेला मारहाण करून बलात्कार केल्यावर तिला धमकी देणाऱ्या दोन आरोपी पैकी एका आरोपीला पनवेल शहर पोलिसांच्या पथकाने अवघ्या काही तासात ताब्यात घेतले होते . त्यां नंतर पसार झालेल्या दुसऱ्या आरोपीला मध्यरात्रीच्या सुमारास नवीन पनवेल रेल्वे स्टेशन परिसरातून ताब्यात घेण्यात आले आहे .
तक्रारदार पिडीत महिलेने तिच्यावर अनोळखी दोन इसमांनी बलात्कार केल्याची खबर पनवेल शहर पोलीस ठाण्यात तीन दिवसापूर्वी दिली होती. तिने दिलेल्या माहिती नुसार, सदरची पिडीत महिला ही ऑरीयन मॉल समोरील हॉटेल मधून रात्री १:३० ते ०२:०० वा च्या दरम्यान बाहेर पडली व करंजाडे येथे घरी जाण्यासाठी रिक्षा पाहत असताना अनोळखी दोन इसमांनी रिक्षात बसवतो असा बहाणा करुन ओरियन मॉल च्या मागे घेऊन जाऊन, तू आमच्याबरोबर चल नाही तर तुला मारू असे धमकी देऊन सदर महिलेला रेल्वे स्टेशनच्या जवळील नवीन पनवेल हद्दीतील एका पडक्या इमारतीच्या टेरेसवर नेऊन हाताने मारहाण केली व बलात्कार केला व सदर प्रकार कोणास सांगितला तर जीवे ठार मारू अशी धमकी देऊन नंतर सदर दोघे अनोळखी आरोपी तेथून गेले होते .
Tags
पनवेल