पनवेल पालिकेचा २, २९१ कोटींचा अर्थसंकल्प जाहीर

पनवेल महानगरपालिकेचे सन २०२३-२०२४ चे २२९१ कोटी ४८ लाखाचे वस्तुनिष्ठ, विकासाभिमुख अंदाजपत्रक आज (२१ फेब्रुवारी) मुख्य लेखा अधिकारी मंगेश गावडे यांनी प्रशासकीय स्थायी समितीच्या बैठकीमध्ये आयुक्त तथा प्रशासक गणेश देशमुख यांच्याकडे सुपूर्त केले. महापालिकेच्या या अंदाजपत्रकांमध्ये महापालिका क्षेत्रातील पायाभूत सुविधा ज्यामध्ये मुख्यत्वे आरोग्य सेवा, पाणीपुरवठा, मलनिस्सारण, झोपडपट्टी पुर्नविकास अशा विविध सुविधांवरती भर देण्यात आला आहे.

यावेळी अतिरीक्त आयुक्त प्रशांत रसाळ, उपसंचालक (अ. का) नगररचना ज्योती कवाडे, उपायुक्त सचिन पवार, उपायुक्त गणेश शेटे, उपायुक्त कैलास गावडे, शहर अभियंता संजय जगताप, उपअभियंता संजय कटेकर, मुख्य वैद्यकिय अधिकारी डॉ. आनंद गोसावी, सहाय्यक आयुक्त डॉ. वैभव विधाते, मुख्य लेखा परिक्षक निलेश नलावडे, लेखा परिक्षक विनयकुमार पाटील, लेखाधिकारी डॉ संग्राम व्होरकाटे, नगरसचिव तिलकराज खापर्डे, अधिकारी उपस्थित होते. या अंदाजपत्रकामध्ये पायाभूत सुविधांमध्ये आरोग्य विषयावरती भर देण्यात आला आहे. पनवेल महानगरपालिका हद्दीतील नागरीकांच्या आरोग्याचा दर्जा उंचावण्यासाठी ४५० खाटांचे सुसज्ज माता व बाल संगोपन रुग्णालय “हिरकणी" या नावाने प्लॉट नं. ८ अ, ८ ब, सेक्टर १८, पनवेल (प.) येथिल ८००० चौरस मीटरच्या जागेवर प्रस्तावित करण्यात आलेले आहे. या सात मजली रुग्णालयाच्या बांधकामाकरिता अंदाजित रु. २२५ कोटी खर्च अपेक्षित आहे. या रुग्णालयात बाहयरुग्ण विभाग, आंतररुग्ण विभाग, अतिदक्षता विभाग, नवजात अतिदक्षता विभाग, शस्त्रक्रिया विभाग, प्रयोगशाळा, सोनोग्राफी, एक्स-रे विभाग, रक्तपेढी, शवागृह व समुपदेशन विभाग अशा सुसज्ज सुविधा उपलब्ध असणार आहेत. संसर्ग आजारासाठी इन्फेकशीयस लॅब कोरोना काळात सुरु करण्यात आलेली पालिकेची स्वत: ची MOL Expert, कोळीवाडा, पनवेल या नावाने ओळखलेली आरटीपीसीआर लॅबचे संसर्ग आजारासाठी इन्फेकशीयस लॅब मध्ये रुपांतर करण्यात येत आहे. याकरिता अंदाजित रु. २ कोटी खर्च अपेक्षित आहे. या लॅबमधुन जनतेसाठी मोफत रोगनिदान चाचण्या उपलब्ध करुन देण्यात येणार आहे. नागरी प्राथमिक आरोग्य केंद्र

पनवेल महानगरपालिकेकरिता राष्ट्रीय आरोग्य अभियान अंतर्गत नव्याने ९ नागरी प्राथमिक आरोग्केंद्रास मान्यता प्राप्त झालेली असुन प्रती नागरी प्राथमिक आरोग्य केंद्राच्या बांधकामासाठी अंदाजित रु. २. २५ कोटी खर्च अपेक्षित असुन त्याकरिता रु. २० कोटीची आर्थिक तरतुद करण्यात आलेली आहे. शहरी समुदाय आरोग्य केंद्र

पनवेल महानगरपालिकेच्या नागरीकांना आंतररुग्ण सेवा तसेच महिलांकरिता प्रसूती सेवा सुविधा उपलब्ध करुन देणेकरिता राष्ट्रीय आरोग्य अभियान अंतर्गत ५० खाटांचे ०२ शहरी समुदाय आरोग्य केंद्राकरिता मान्यता प्राप्त झाली आहे. त्याच बरोबर शहरातील झोपडपट्टी भागात व आरोग्य केंद्रापासुन दुर असलेल्या भागामध्ये फिरत्या वाहनाद्वारे नागरीकांना प्राथमिक, उपचारात्मक आणि संदर्भ आरोग्य सेवा नियमितपणे व मोफत पुरविणेकामी पनवेल महानगरपालिका स्तरावरून ४ मोबाईल मेडिकल युनिट प्रस्तावित असुन त्याकरिता रु. १ कोटींची आर्थिक