पनवेल दि.१३ (वार्ताहर): राज्याचे मुख्यमंत्री एकनाथ शिंदे यांच्या वाढदिवसाचे औचित्यसाधून बाळासाहेबांची शिवसेनेतर्फे खांदा कॉलनीमध्ये मोफत सर्व दाखले वाटप शिबीर आयोजित करण्यात आले होते. या शिबिराला बाळासाहेबांची शिवसेनेचे पनवेल महानगर प्रमुख रामदास शेवाळे यांनी भेट उपक्रमाचे कौतुक केले.
मुख्यमंत्री एकनाथ शिंदे यांनी आपल्या वाढदिवसाच्या दिवशी सामाजिक उपक्रम राबवण्याचे आवाहन बाळासाहेबांची शिवसेनेच्या सर्व पदाधिकारी आणि कार्यकर्त्यांना केले होते. त्यानुसार खांदा कॉलनी सेक्टर सात येथील श्री गणेश दुर्गामाता माता मंदिरात खांदाकॉलनी शहराचे शहर प्रमुख शिवाजीराव थोरवे यांनी दाखले वाटप शिबीराचे आयोजन केले होते.
Tags
पनवेल