प्रकल्पग्रस्त व स्थानिक भूमीपुत्रांना नोकरीत सामावून घेण्याची महेंद्र घरत यांची मागणी
बैठकीत सकारात्मक प्रतिसाद.
प्रकल्पग्रस्त व स्थानिक भूमीपुत्रांना नोक-यांमध्ये प्राधान्य देणार असल्याचे मनिषा जाधव यांचे महेंद्र घरत यांना आश्वासन.
उरण दि. 9( विठ्ठल ममताबादे )उरण तालुक्यात अनेक विविध राष्ट्रीय प्रकल्प आहेत, कंपन्या आहेत, गोडावून आहेत.मात्र तेथे प्रकल्पग्रस्त व स्थानिक भूमीपुत्रांना नोकरीत न घेता , स्थानिक भूमीपुत्र,प्रकल्पग्रस्तांना प्राधान्य न देता परप्रांतीयांची भरती केली जाते.त्यामुळे उरण मधील स्थानिक भूमीपुत्र प्रकल्पग्रस्त बेरोजगार होतात बेरोजगारीमूळे कुटुंबांचे मोठ्या प्रमाणात हाल होतात.
विविध संकटाना, समस्यांना त्या कुटुंबाला सामोरे जावे लागते.त्यामुळे नेमकी हीच समस्या लक्षात घेउन स्थानीक भूमीपुत्र व प्रकल्पग्रस्तांना न्याय देण्याच्या उद्देशाने व स्थानिक भूमीपुत्र व प्रकल्पग्रस्तांना नोकरीत प्राधान्य देण्यात यावे या मागणीसाठी कामगार नेते तथा काँग्रेसचे रायगड जिल्हाध्यक्ष महेंद्र घरत यांनी गुरुवार दि 8 जून 2023 रोजी जेएनपीए प्रशासनाच्या ऍडम कार्यालयात जेएनपीएच्या नवनियुक्त सेक्रेटरी व वरिष्ठ प्रबंधक मनिषा जाधव यांची भेट घेतली.
Tags
उरण