पनवेल दि.१३ (वार्ताहर) : उद्धव ठाकरे यांच्या समोर आम्ही हलणार नाही आणि एक ही पदाधिकारी कुठे गेला नाहीय आणि जाणार नाही अशा वलग्ना जिल्हा प्रमुख मनोहर भोईर यांनी पक्षप्रमुखांच्या समक्ष केल्यामात्र काही तासांतच त्यांना धक्का मिळाला आहे. उलवा शहराचे शहर प्रमुख मनोज घरत यांच्यासह महिला शहर प्रमुख, शाखा प्रमुख यांनी युवासेनेचे कोअर कमिटी सदस्य रुपेश पाटील यांच्या मार्गदर्शनाखाली शिंदे गटात पक्षप्रवेश केला आहे
.jpg)
.
राज्यभर उद्धव गट आणि शिंदे गट ह्यात जोरदार लढाई सुरू असताना उद्धव गटातून उरण विधानसभेच्या सर्व पदाधिकारी यांना मातोश्रीवर बोलाविण्यात आले, उद्धव ठाकरे यांच्या समोर आम्ही हलणार नाही आणि एक ही पदाधिकारी कुठे गेला नाहीय आणि जाणार नाही अशा वलग्ना जिल्हा प्रमुख मनोहर भोईर यांनी पक्षप्रमुखांच्या समक्ष केल्या तर शिवसैनिकांनी घोषणा देऊन टाळ्या वाजवून ह्याचे स्वागत केले मात्र काही तासांतच मनोहर भोईर यांना धक्का मिळाला आहे. युवासेनेचे कोअर कमिटी सदस्य रुपेश पाटील यांनी उरण विधानसभेचे उलवा शहराचे शहर प्रमुख मनोज घरत, महिला शहर प्रमुख स्नेहल घरत, महिला शाखा प्रमुख व शिवसेना शाखा प्रमुख यांना थेट शिंदे गटात घेऊन उद्धव गटाला धक्का दिला आणि मनोहर भोईर यांच्या नेतृत्वाला खिंडार पाडले आहे.
यावेळी मुख्यमंत्री एकनाथ शिंदे व खासदार श्रीकांत शिंदे यांनी मनोज घरत आणि पदाधिकारी यांचे स्वागत केले आणि अभिनंदन केले. या पक्षप्रवेशावेळी उरण विधानसभा उपजिल्हा प्रमुख अतुल भगत, खारघर शहर प्रमुख प्रसाद परब उपस्थित होते.
तसेच काही दिवसांत प्रत्येक आठवड्यात उरण मधून पक्ष प्रवेश घेण्याचे रुपेश पाटील यांनी मुख्यमंत्री साहेबांच्या समोर जाहीर केले.
