या घटनेतील मृत तरुणी खारघरमध्ये आईसह राहत होती. तसेच ती आईसोबत घरकाम करण्यासाठी जात होती. त्याच भागात राहणाऱ्या तरुणाने काही महिन्यांपूर्वी तिच्यासोबत प्रेमसंबंध निर्माण केले होते. यादरम्यान त्याने तरुणीला लग्नाचे आमिष दाखवून तिच्यासोबत शारीरिक संबंध प्रस्थापित केले होते. मात्र त्यानंतर त्याने तिच्याशी लग्न करण्यास नकार दिला होता. त्यामुळे तरुणी मानसिक तणावाखाली होती. याच तणावातून तिने दुसऱ्या दिवशी घरामध्ये गळफास घेऊन आत्महत्या केली. घटनेची माहिती मिळाल्यानंतर खारघर पोलिसांनी घटनास्थळी धाव घेऊन तरुणीचा मृतदेह ताब्यात घेतला. त्यानंतर तरुणीच्या बहिणीने खारघर पोलीस ठाण्यात तरुणाविरोधात तक्रार दाखल केली.
Tags
पनवेल