पनवेल दि.३१ (वार्ताहर) : गेल्या अनेक वर्षांपासून शेतकरी कामगार पक्षाच्या ताब्यात असणाऱ्या पनवेल कृषी उत्पन्न बाजार समितीच्या सार्वत्रिक निवडणुकीचे बिगुल वाजले आहे. येत्या ३० एप्रिल रोजी मतदान होणार असून त्या दिवशी मतमोजणी आणि निकाल जाहीर केला जाणार आहे. एकूण १८ जागांसाठी बाजार समितीची निवडणूक होणार आहे.
मुंबईचे प्रवेशद्वार असणाऱ्या पनवेल कृषी उत्पन्न बाजार समितीला अनन्यसाधारण असे महत्त्व आहे. पनवेल उरण तालुक्याबरोबरच घाटमाथ्यावरील शेतकरी आपले शेती उत्पादन घेऊन पनवेलच्या बाजारात येतात. कांद्याबरोबरच भाजीपाला विक्रीसाठी पनवेल कृषी उत्पन्न बाजार समिती ओळखली जाते. शहराच्या अत्यंत मध्यवर्ती ठिकाणी असणाऱ्या या बाजार समितीवर सातत्याने शेतकरी कामगार पक्षाची सत्ता राहिलेली आहे. लालबावट्याने कायम या ठिकाणी प्राबल्य निर्माण केले आहे. विरोधकांना बाजार समितीमध्ये कधीही जम शेकापने बसू दिला नाही.
*
Tags
पनवेल