पनवेल महापालिकेच्या आगामी निवडणुकीत शिवसेनेला अपेक्षित यश मिळेल- शिवसेना रायगड जिल्हा संपर्क प्रमुख रामदास शेवाळे

पनवेल दि.१२ (संजय कदम): खारघर येथे शिवसेनेचे जनसंपर्क कार्यालय सुरु झाले आहे. या कार्यालयाचे शिवसेनेचे रायगड जिल्हा संपर्क प्रमुख रामदास शेवाळे यांच्याहस्ते उदघाटन झाले. यावेळी त्यांनी आगामी निवडणुकीत शिवसेनेला अपेक्षित यश मिळेल असा विश्वास व्यक्त केला. यावेळी नवनिर्वाचित शिक्षक मतदार संघाचे आमदार ज्ञानेश्वर म्हात्रे सर यांची प्रमुख उपस्थिती लाभली.  

               खारघर मधील जनतेचे प्रश्न सोडवण्याच्या दृष्टीकोनातून शिवसेनेचे महानगर संघटक मंगेश रानवडे आणि खारघर शहर संघटक कळंबोली इम्तियाज शेख यांनी शिवसेना जनसंपर्क कार्यालय सुरु केले आहे. या कार्यालयाचे शिवसेनेचे रायगड जिल्हा संपर्क प्रमुख रामदास शेवाळे यांच्याहस्ते उदघाटन झाले. यावेळी शिक्षक आमदार ज्ञानेश्वर म्हात्रे सर यांची प्रमुख उपास्थित होती. या कार्यालयामुळे खारघर शहरातील सर्वसामान्य जनतेच्या सर्व अडी अडचणी सोडवण्यात मदत होणार आहे. याप्रसंगी शिवसेना उपजिल्हा प्रमुख परेश पाटील, महानगर प्रमुख प्रथमेश सोमण, कळंबोली शहर प्रमुख तुकाराम सरक, खोपोली विभाग संपर्क प्रमुख विजय पाटील, मा. नगरसेवक हरेश केणी तसेच इतर मान्यवर पदाधिकारी व कार्यकर्ते उपस्थित होते.