पनवेल, दि.26 (संजय कदम) ः महाराष्ट्र शासन गृहविभागाच्या शासन निर्णयाद्वारे महाराष्ट्र पोलीस विभागात विविध प्रवर्गामध्ये केलेल्या उत्तम कामगिरीबद्दल आणि उल्लेखनिय, प्रसंशनिय सेवेबद्दल महाराष्ट्रातील पोलीस सेवेत असलेल्या अधिकारी व कर्मचारी अशा एकूण 800 जणांना आज सन्मानित करण्यात आले. त्यामध्ये पनवेल वाहतूक शाखेचे वपोनि संजय नाळे यांच्यासह नेरुळ पोलीस ठाण्याचे पोनि महेश पाटील व तळोजा पोलीस ठाण्याचे पोलीस हवा. विजय पाटील यांच्यासह इतर अधिकारी व कर्मचार्‍यांचा समावेश आहे.
महाराष्ट्र शासनातर्फे एकूण 800 जणांना आज पोलीस महासंचालक सन्मानचिन्ह प्रदान करण्यात आले. त्यामध्ये गडचिरोली जिल्ह्यातील अधिकारी व कर्मचार्‍यांचा सर्वाधिक समावेश आहे. त्यानंतर मुंबई, पुणे, ठाणे, नागपूर आदी भागांचा समावेश आहे
Tags
पनवेल