पनवेल (प्रतिनिधी) सिडको प्रशासनाकडून मलनिस्सारण वाहिन्यांचे हस्तांतरण झाल्यानंतर पनवेल महापालिकेने स्वच्छतेसह नागरिकांचे आरोग्य निकोप राहण्याकरिता महत्त्वाचे पाऊल टाकले आहे. महापालिकेच्या ताफ्यात दोन अत्याधुनिक रिसायकलर सिवर संक्शन कम जेटींग मशिन दाखल झाल्या आहेत. या वाहनांचे लोकार्पण भाजपचे रायगड जिल्हाध्यक्ष आमदार प्रशांत ठाकूर यांच्या हस्ते करण्यात आले. विशेष म्हणजे या मशिनमधून केल्या जाणार्‍या साफसफाईतून जमा होणारे पाणी पुन्हा वापरात येणार असल्याने पाण्याची मोठ्या प्रमाणात बचत होणार आहे.
पनवेल महापालिकेचे आयुक्त गणेश देशमुख यांच्या सूचनेनुसार महापालिका क्षेत्रातील मलनि:स्सारण वाहिन्यांची दैनंदिन साफसफाई करण्यासाठी १० हजार ५०० लिटर क्षमतेच्या दोन रिसायकलर सिवर संक्शन कम जेटींग मशिन खरेदी करण्यात आल्या आहेत. मलनिस्सारण विभागातील ही सर्वांत अत्याधुनिक वाहने असून या वाहनांमुळे मलनिस्सारण वाहिन्यांची साफसफाई अधिक चांगल्या पद्धतीने करता येणार आहे.
Tags
पनवेल