पनवेल दि.१८ (संजय कदम) : सकल मराठा समाजाचा बुलंद आवाज व शिवसेना (उद्धव बाळासाहेब ठाकरे) खांदा वसाहत शहर प्रमुख सदानंद शिर्के यांच्या ५० व्या वाढदिवसाचे औचित्य साधून सकल मराठा समाज मंडळ खांदा कॉलनी यांच्या वतीने भव्य क्रिकेट स्पर्धा "मराठा चषक २०२३" चे आयोजन महात्मा शाळा मैदान खांदा कॉलनी येथे करण्यात आले होते. साई इलेव्हन विरुद्ध साईराज बी या दोन संघामध्ये रंगलेल्या अंतिम रोमहर्षक लढतीत साई इलेव्हन संघ विजयी ठरला. विजेत्या संघास सकल मराठा समाज खांदा कॉलनीचे सचिव व शिवसेना खांदा वसाहत शहर प्रमुख सदानंद शिर्के यांच्या शुभहस्ते १५ हजार रोख रक्कम व आकर्षक चषक देऊन गौरविण्यात आले.
खेळाला व खेळाडूंना प्रोत्साहन देणे या उदांन्त हेतूने सकल मराठा समाज मंडळ खांदा कॉलनी यांच्या वतीने भव्य क्रिकेट स्पर्धा "मराठा चषक २०२३" चे आयोजन करण्यात आले होते. या स्पर्धेत खांदा कॉलनी मधील १२ संघांनी सहभाग नोंदवला. यास्पर्धेत साई इलेव्हन प्रथम क्रमांकाचा मानकरी ठरला तर १० हजार रुपये रोख व आकर्षक चषकाचा द्वितीय पारितोषक साईराज बी या संघाला मराठा समाजाचे जेष्ठ मार्गदर्शक व अथर्व ट्रेडिंग कंपनी चे सर्वेसर्वा ओंकारशेठ गावडे यांच्या हस्ते प्रदान करण्यात आले.
Tags
पनवेल