करंजाडेमधील सेक्टर ३, ४, ५ व ६ मध्ये गेल्या काही दिवसांपासून पाणीपुरवठा होत नाही. एकीकडे नागरिकांना पाण्यासाठी रात्रभर जागे राहावे लागत आहे; तर दुसरीकडे सिडको प्रशासनातर्फे सोसायट्यांना दोन ते तीन दिवसांनी एखादा टँकर दिला जात असल्याने रहिवाशांवर विकतचे पाणी घेण्याची वेळ आली आहे.
पनवेल परिसराला पाणीपुरवठा करणाऱ्या धरणांमधील साठा कमी झाला आहे. यामुळे पनवेल परिसरातील सिडको वसाहतींमध्ये सध्या पाणीटंचाईसदृश परिस्थिती आहे. करंजाडेतील काही सेक्टरमध्ये गेल्या काही दिवसांपासून पाणीपुरवठा विस्कळित झाला आहे. एमजेपीकडून पाणीपुरवठा कमी होत असल्याने त्याचा परिणाम सिडको वसाहतींमधील पाणीपुरवठ्यावर झाला आहे.
Tags
करंजाडे