पनवेल दि.२४ (वार्ताहर) : आपण सर्वजण समाजाचे काही देणे लागतो हा विचार घेऊन बँक ऑफ महाराष्ट्र, नवीन पनवेल शाखेत कार्यरत असलेले विशेष सहाय्यक अरविंद मोरे यांनी रायगड जिल्हा परिषद प्राथमिक शाळा फणसवाडी येथे आदिवासी विद्यार्थ्यांना शाळेचे दप्तर,वही, लिहिण्याचे साहित्य व मिठाई देऊन साजरा केला.
याप्रसंगी उत्सवमूर्ती अरविंद मोरे, प्रा. डॉ. नीलिमा अरविंद मोरे, प्रा. हिमांशू अरविंद मोरे, बँक ऑफ महाराष्ट्रच्या माजी शाखा प्रबंधक, प्रतिमा जाधव, संजीव सुदामे, प्रा.प्रज्ञा लातूरकर, प्रा. बिजली दडपे व शाळेच्या शिक्षिका नेहा मनोज गावंड व सविता राजाराम सरगर उपस्थित होत्या. कार्यक्रमाची सुरुवात प्रार्थनेने झाली. याप्रसंगी अरविंद मोरे म्हणाले की, आपण सर्वजण समाजाचे काही देणे लागतो ह्या भावनेनेच आज विद्यार्थांना शैक्षणिक साहित्य व मिठाई वाटून वाढदिवस आगळ्या वेगळ्या पद्धतीने साजरा करत असल्याचे सांगितले. ह्या प्रसंगी त्यांनी सकारात्मक दृष्टिकोन विद्यार्थ्यांनी बाळगावा ह्यासाठी प्रेरणादायी गोष्ट सांगून सर्वांचे लक्ष्य वेधले.
Tags
पनवेल