कंपनीमध्ये घरफोडी करणाऱ्या ४ आरोपींना मुद्देमालासह तालुका पोलिसांनी केली अटक पनवेल दि.१०(संजय कदम): पनवेल तालुक्यातील बारवई येथील कॅपेसिटी इन्फ्रास्ट्रक्चर कंपनीमध्ये घरफोडी करून लाखो रुपये किमतीचा मुद्देमाल पळवणाऱ्या ४ जणांना पनवेल तालुका पोलिसांनी ताब्यात घेतले असून त्यांच्याकडून घरफोडीतील काही ऐवज हस्तगत केला आहे. या गुन्ह्यामध्ये एक विधीसंघर्षग्रस्त बालकाचा सुद्धा समावेश आहे.
पोशी आकाश भगत, पोशी तुकाराम भोये आदींच्या पथकाने गुप्त बातमीदार व तांत्रिक तपासाच्या आधारे सदर गुन्हयातील आरोपी अनिल कातकरी, सोमनाथ पवार, शेखर वाघमारे, व एक विधीसंघर्षग्रस्त बालक यांनी सदर घरफोडी करून ते आदिवासीवादी येथे लपल्याची माहिती या पथकाला मिळाली त्यानुसार या पथकाने सदर चारही आरोपींना ताब्यात घेऊन त्यांच्या कडून जवळपास ६१ हजार रुपये किमतीचा मुद्देमाल हस्तगत केला आहे. याबाबत पुढील तपास सहा पोलीस निरीक्षक संजय गळवे करीत आहेत
Tags
पनवेल