पनवेल दि.१८(वार्ताहर): लहानपणापासूनच अध्यात्माचे बाळकडू घेतलेल्या कीर्तनकार मनिषा घाडगे- खांडे यांनी या क्षेत्रात नावलौकिक प्राप्त केला आहे. विशेष म्हणजे नुकतेच पार पडलेले किर्तन प्रवचन प्रशिक्षण त्यांनी अ श्रेणी प्राप्त करून यशस्वीरित्या पूर्ण केले. याबद्दल वारकरी संप्रदायातील संत महात्मे, कीर्तनकार, प्रवचनकार त्याचबरोबर या क्षेत्रातील मान्यवरांनी अभिनंदन करून पुढील वाटचालीसाठी शुभेच्छा दिल्या आहेत.
ह .भ .प सुभाष महाराज घाडगे यांचा आध्यात्मिक वारसा पुढे घेऊन जाण्याचे काम ह. भ. प मनिषा घाडगे- खांडे करीत आहेत. न्यू इंग्लिश हायस्कूल कळंबोली च्या विद्यार्थिनी असणाऱ्या घाडगे- खांडे या उच्चशिक्षित आहेत. आपल्या वडिलांच्या पावलावर पाऊल ठेवून त्यांनी वारकरी संप्रदायाचा प्रचार आणि प्रसार करण्याचे काम हाती घेतले आहे. किर्तन आणि प्रवचनाच्या माध्यमातून प्रबोधन त्या करीत आहेत. संत वाड्मयाच्या अभ्यासक तसेच भगवद्‌गीता, ज्ञानेश्वरी, तुकाराम गाथा यामध्येही त्यांचा अभ्यास आहे. अभंग, गवळणी, भारुड आत्मसात करून सामाजिक विषयांवर जनजागृती करण्याचे कामही त्या कीर्तन आणि प्रवचनातून करतात.
Tags
पनवेल