पनवेल, दि.9 (वार्ताहर) ः विधानसभा सार्वत्रिक निवडणूक 2024 साठी आदर्श आचारसंहिता लागू झाली आहे. पनवेल 188 विधानसभा मतदारसंघ, निवडणूक विभाग अंतर्गत पोलीस पथकांतर्गत पोलीस उपायुक्त प्रशांत मोहिते, सहा.पोलीस आयुक्त अशोक राजपूत, वरिष्ठ पोलीस निरीक्षक नितीन ठाकरे यांचे मार्गदर्शनाखाली पनवेल शहर पोलीस ठाण्याचे हवालदार किरण सोनवणे यांना मिळालेल्या खबरीच्या अनुषंगाने पोलीस उपनिरीक्षक विनोद लभडे व त्यांचे पथक यांनी पनवेल बावन बंगला कडून कामोठे कडे जाणार्‍या हिरो होंडा सीटी डिलक्स ही दुचाकी संशयास्पद वाटल्याने गाडी अडवून तपासणी केधली असता त्या गाडीमध्ये 5 लाख 85 हजाराची रोख रक्कम आढळून आली.
सदरची रक्कम संबंधिठतास ताब्यात घेवून पुढील कार्यवाहीसाठी भरारी पथक (एफएसटी) क्र.03 यांच्याकडे सुपूर्द करण्यात आली व सदर पथकाने सदर रक्कम जप्त केली आहे. तसेच दुसर्‍या घटनेत आचारसंहिता पथकांतर्गत वायूवेग पथक क्र. 03 मोटार वाहन निरिक्षक दिलिप दराडे यांनी मुंबई पुणे हायवे रोडवरून खारघर कडून कळंबोली कडे जाणार्‍या पांढर्‍या रंगाच्या टोयाटो इनोव्हा चार चाकी संक्षयास्पद वाटल्याने गाडी अडवून सदर गाडीची तपासणी केली असता, त्या गाडीमध्ये 2 लाखाची रोख रक्कम आढळून आली. सदरील रक्कम जप्त करण्यात आली. तसेच तिसर्‍या घटनेत आचारसंहिता पथकांतर्गत स्थिरसर्वेक्षण पथक क्र.08 (एसएसटी-08) ने जुने मुंबई-पुणे हायवे येथील शेडुंग चेक नाका येथे रोडवरुन जाणार्‍या पांढर्‍या रंगाच्या टोयाटो इनोव्हा चार चाकी गाडीस थांबवून तपासणी केधली असता त्या गाडीमध्ये 1 लाख 92 हजार 20 रुपयांची रोख रक्कम आढळून आली असल्याने सदर पथकाने ती रक्कम जप्त केली आहे. सदर कारवाई 188 पनवेल विधानसभा मतदार संघाचे निवडणूक निर्णय अधिकारी पवन चांडक यांच्या मार्गदर्शनाखाली करण्यात आली.
या कारवाई वेळी सहाय्यक निवडणूक निर्णय अधिकारी विजय पाटील, आचारसंहिता पथक प्रमुख भारत राठोड, सहाय्यक निवडणूक निर्णय अधिकारी संदिप कराड, सहाय्यक निवडणूक निर्णय अधिकारी संजय भालेराव, सहाय्यक खर्च निरिक्षक विजय फासे, सहाय्यक खर्च निरिक्षक संजय आपटे, आचारसंहिता पथक प्रमुख महेश पांढरे, आचार संनियंत्रण अधिकारी शरद गिते, आचारसंहिता पथक सहाय्यक प्रमुख जी. एस. बहिरम, सहा. समन्वयक आचारसंहिता कक्ष दिनेश भोसले, तुषार म्हात्रे, नितेश चिमणे, आशा डोळस, तसेच पनवेल शहर पोलीस ठाण्याचे पोलीस उपनिरीक्षक विनोद लभडे, पो.हवा.अमोल पाटील, माधव शेवाळे, किरण सोनवणे, अविनाश गंथडे, भरारी पथक क्र.03 पथकाचे प्रमुख निवृत्ती देवरे, सहा.पथक प्रमुख प्रसाद पाटील, कामोठे पोलीस ठाण्याचे पोलीस उपनिरीक्षक वशिष्ठ कांगणे, पो.िशि.निकेत पोकळे, वायूवेग पथक क्र. 03 मोटार वाहन निरिक्षक दिलिप दराडे, स्थिर सर्वेक्षण पथक क्र.12 पथकाचे प्रमुख प्रशांत वायचळ, सहा. पथक प्रमुख, अशोक कुमार, कमोठे पोलीस ठाण्याचे पो.शि. गणपती पाटील, खारघर पोलीस ठाण्याचे पो.शि. भूषण चौधरी, स्थिर सर्वेक्षण पथक क्र.08 पथकचे प्रमुख किरण भगत, सहा.पथक प्रमुख देवा केसला, खारघर पोलीस ठाण्याचे पो.शि.गोपाल चव्हाण, पो.शि.युवराज दिवे उपस्थित होते.
Tags
पनवेल