पनवेल दि. ०८ ( वार्ताहर ) : आयफोनचे वेड कोणाला नसते. मात्र हा आयफोन स्वस्तात खरेदी करण्याच्या नादात बनावट आयफोन पदरी पडल्याचा प्रकार खारघरमध्ये घडला आहे. याप्रकरणी खारघर पोलीस ठाण्यात गुन्हा दाखल करण्यात आला आहे.
से. ३०, ओवे खारघर येथील दिगंबर जगदाळे यांना मोबाईलची आवश्यकता असल्याने ते फेसबुकवर सर्च करत होते. यावेळी त्यांनी स्वस्तात आयफोन मिळत असल्याची जाहिरात वाचली, मात्र कुरिअरसाठी दोन हजार रुपये अगोदर भरावे लागेल, असे जाहिरातदाराकडून सांगण्यात आले. त्यासाठी एक क्यूआरकोड त्यांच्या मोबाईलवर पाठवण्यात आला. त्यानुसार दिगंबर यांनी दोन हजार रुपये पाठवत उर्वरित रक्कम फोन आल्यानंतर देतो, असे सांगितले. काही दिवसांनी कुरियर बॉयने त्यांचे कुरिअर आणून देत त्यांच्याकडून उर्वरित ३८ हजार गुगल पेद्वारे घेतले.
Tags
पनवेल