पनवेल दि.१४ (संजय कदम) : डॉ. मनोज गुप्ता यांनी खारघर सेक्टर 12 येथे ‘प्राणा’ हे हायपरबेरीक ऑक्सिजन थेरपी सेंटर सुरू केले आहे. या सेंटरचे उद्घाटन भाजपचे रायगड जिल्हाध्यक्ष आमदार प्रशांत ठाकूर यांच्या हस्ते झाले.
हायपरबेरीक ऑक्सिजन थेरपी या उपचार पद्धतीत दाब हा साधारणतः नेहमीपेक्षा दुप्पट केला जातो. त्यामुळे रुग्ण 100 टक्के ऑक्सिजन श्वास घेतो. या वाढलेल्या ऑक्सिजनच्या दाबामुळे ऑक्सिजन हा प्लाझ्मामध्ये अधिक प्रमाणात विरघळतो. त्यामुळे दीर्घकाळ आणि अधिक समस्यांनी युक्त अशा जखमाही भरुन येतात. यापूर्वी ही थेरपी मुंबईमध्ये उपलब्ध होती. पनवेलसह नवी मुंबईतील रुग्णांनाही या सेवेचा लाभ मिळावा याकरिता डॉ. मनोज गुप्ता यांनी खारघर सेक्टर 12 येथे ‘प्राणा’हे हायपरबेरीक ऑक्सिजन थेरपी सेंटर सुरू केले आहे.
Tags
पनवेल