पंधरा दिवसात ठोस कारवाई न झाल्यास गटविकास अधिकाऱ्यांच्या कार्यालयाला घेराव घालणार
दिनांक. २४/०३/२०२३
पनवेल तालुक्यातील ग्रुप ग्रामपंचायत कर्णालाकडून डोलघर गाव आणि भोकरावाडी आदिवासी वाडीला दुय्यम वागणूक मिळत असल्याने डोलघर गाव आणि वाढीचा विकास खुंटला असल्याचा आरोप करीत ग्रुप ग्रामपंचायत कर्नाळा मधून मौजे डोलघर व भोकरवाडी आदिवासी विभक्त करून स्वतंत्र ग्रामपंचायत करण्यात यावी, डोलघर गावासाठी सर्वे नंबर ८२/१ मध्ये गावठाण विस्तार करण्यात यावा व तलाठी सजा डोलघर आणि कर्नाळा हद्दीतील गहाळ केलेले सर्वे नं. २१७ चा सातबारा, फेरफार व इतर संबंधित दस्तावेज देण्यात यावे या मागण्यांसाठी शुक्रवार दिनांक २४ मार्च २०२३ रोजी ग्राम संवर्धन सामाजिक संस्थेचे अध्यक्ष रायगड भूषण सामाजिक कार्यकर्ते संतोष ठाकूर यांच्या नेतृत्वाखाली ग्रामस्थ राजू पाटील जनार्दन कोळी,अविनाश गायकर,गणेश कोळी, धनाजी गायकर,विश्वनाथ केशव पाटील,बाळाराम खोत,भरत गायकर,अशोक गायकर, हिराबाई पाटील
हिरुबाई खोत,निकिता पाटील,नलिनी गायकर यांच्यासह शेकडो कोळी बांधवांनी आपला रुद्रावतार दाखवत पनवेल प्रांत कार्यालयावर मोर्चा काढला.
मानसी पाटील,स्मिता रसाळ, शैलेश कोंडसकर, सचिन पाटील, उरण सामाजिक संस्थेचे प्रा. राजेंद्र मढवी, आदींनी मोर्चेकऱ्यांना पाठिंबा दिला.
Tags
पनवेल