ग्रामस्थांच्या कोणत्याही मागण्या मान्य होत नसल्याने कोणत्याही निवडणूकीत मतदान न करण्याचा ग्रामस्थांचा एकमुखी निर्णय.
ग्रामसभेत झाला ठराव पास.
उरण दि. १० (विठ्ठल ममताबादे) स्वातंत्र्याचे अमृत महोत्सव साजरे झाले. देशाला स्वातंत्र्य मिळून ६० वर्षाहून अधिक काळ लोटला.तरिही उरण तालुक्यातील अनेक गावे विविध सेवा सुविधापासून आजही वंचित आहेत. शासनाकडे वर्षानुवर्षे शांततेच्या व कायदेशीर मार्गाने पत्रव्यवहार करून सुद्धा उरण तालुक्यातील हनुमान कोळीवाडा ग्रामस्थांच्या विविध मागण्या मान्य होत नसल्याने तसेच संप , आंदोलने, निदर्शने करून सुद्धा वर्षानुवर्षे हनुमान कोळीवाड्याच्या ग्रामस्थांच्या मागणीकडे प्रशासन जाणूनबुजून दुर्लक्ष करीत असल्याने शेवटी हनुमान कोळीवाडा ग्रामस्थांनी शुक्रवार दि ३ मार्च २०२३ रोजी हनुमान कोळीवाडा ग्रामपंचायत कार्यालयात झालेल्या बैठकी दरम्यान भविष्यात होणाऱ्या पंचायत समिती, जिल्हा परिषद, विधानसभा व लोकसभा निवडकीत मतदान न करण्याचा निर्णय घेतला आहे. तसा ग्रामसभेतही ठराव पास करण्यात आला आहे.
दिनांक १२ नोव्हेंबर १९८२ रोजी मा. मुख्य सचिव महाराष्ट्र राज्य यांच्या कडील गोपणीय शासन ठरावात शेवा कोळीवाडा गावठाण चार पाच वर्षांनी जेएनपीटी बंदर प्रकल्पाच्या दुस-या टप्प्यासाठी लागणार आहे. त्यासाठी शेवा कोळीवाडा गावचे योग्य पुनर्वसन शासनाने करावे व त्याकरीता जेएनपीटी बंदर व्यवस्थापन फंड देईल आणि पुनर्वसीतांच्या रोजीरोटीसाठी बंदर प्रकल्पात शिक्षण प्रशिक्षण देऊन प्रत्येक कुटूंबास नोकरी देण्याची हमी प्रशासनातर्फे देण्यात आली होती. त्या हमीच्या अनुपालनाची जबाबदारी मा. जिल्हाधिकारी रायगड यांची होती.
Tags
उरण