उरण दि . 16 (विठ्ठल ममताबादे )कलाकार सचिन पेडणेकर, निखिल कांबळे, मोनाली खातळे ,निलेश पावसकर या कलाकारांनी एकत्र येत मुंबई मधील नेहरू सेंटर आर्ट गॅलरी, ऍनी बेसन्ट रोड, वरळी येथे दि 18 एप्रिल 2023 ते 24 एप्रिल 2023 दरम्यान ब्रश स्ट्रोक कला प्रदर्शनाचे आयोजन केले आहे. या प्रदर्शनाचे उद्‌घाटन प्रसिद्ध अभिनेत्री विणा जामकर व प्रसिद्ध चित्रकार रूपेश पाटील यांच्या हस्ते होणार आहे.
या चित्रकला प्रदर्शनात प्रतिभावंत कलाकार सचिन पेडणेकर निलेश पावसकर, निखिल कांबळे,मोनाली खातळे यांच्या चित्रांचा समावेश आहे.नागरिकांनी, रसिक प्रेषकांनी या प्रदर्शनाचा जास्तीत जास्त लाभ घ्यावा असे आवाहन करण्यात आले आहे.
