शिवसैनिक मदतीसाठी तत्पर.
महानगर प्रमुख प्रथमेश सोमण यांनी दिली माहिती.
पनवेल मधील खारघर येथे आज सकाळी महाराष्ट्र भूषण पुरस्कार प्रदान सोहळा पार पडला. आप्पासाहेब धर्माधिकारी यांचे लाखो अनुयायी या कार्यक्रमाचा साक्षीदार होण्यासाठी उपस्थित होते परंतु उन्हाळ्याचे दिवस असून पारा 40 च्या वर गेल्याने त्यातील आठ ते दहा श्री सदस्यांचा दुर्दैवी मृत्यू झाला असून 20 ते 25 श्री सदस्य उपचार घेत आहेत व त्यांची प्रकृती स्थिर आहे.
उपजिल्हा रुग्णालय येथे मृत श्री सदस्यांच्या शवविच्छेदनाचे काम सुरू आहे. कळंबोली, खारघर, पनवेल विभागातील सर्व शिवसेनेचे पदाधिकारी आवश्यक तिथे हॉस्पिटलला भेटी देत असून रुग्णांना व त्यांच्या नातेवाईकांना सर्वतोपरी सहकार्य करत आहेत व सर्व पदाधिकाऱ्यांशी आमची वारंवार चर्चा होत असून पक्षातर्फे आवश्यक ते सर्व सहकार्य पोहोचवण्याचं काम सुरू असल्याबाबतची माहिती महानगरप्रमुख प्रथमेश चंद्रशेखर सोमण यांनी दिली.
Tags
पनवेल