यावेळी वरिष्ठ पोलीस निरीक्षक अनिल पाटील यांच्यासह पोलीस निरीक्षक जगदीश शेजकर, गोपनीय विभागाचे अधिकारी राजेंद्र कुवर, पंकज शिंदे आदींसह पनवेल तालुका हद्दीतील विविध ग्रामपंचायतीचे सरपंच, ग्रामस्थ व विविध पक्षाचे पदाधिकारी उपस्थित होते. यावेळी बोलताना वरिष्ठ पोलीस निरीक्षक अनिल पाटील यांनी सांगितले कि, आताच्या काळामध्ये गावातील मुख्य रस्त्यावर, चौकात, बाजारपेठेत, प्रवेशद्वार या ठिकाणी सीसीटीव्ही कॅमेरे लावणे गरजेचे आहे. त्यामुळे अनेक गुन्हे उघडकीस येतात. तसेच गावात अनोळखी व्यक्ती किंवा वाहने आल्यास त्याची माहिती सुद्दा पोलिसांना मिळते. यातूनच गुन्हा घडल्यास तो उघडकीस सुद्दा येतो. गावामध्ये बेकायदेशीररित्या देशी-विदेशी मद्यसाठा किंवा विक्री करण्यात येत असेल तर त्याची माहिती मला प्रत्यक्ष फोनवर कळवावी यासाठी कोणतीही भीती बाळगू नये, महिला वर्गांसाठी पोलीस ठाण्यामध्ये वेगळा कक्ष उभारण्यात आला आहे.
चौकट - थेट केला गटविकास अधिकाऱ्याशी संपर्क
गावागावांमध्ये सीसीटीव्ही कॅमेरांचे जाळे उभारण्यासंदर्भात वरिष्ठ पोलीस निरीक्षक अनिल पाटील यांनी उपस्थित सरपंच व इतर पदाधिकाऱ्यांना आवाहन केले. यावेळी उपस्थित सरपंचांनी गटविकास अधिकाऱ्यांनी याकडे लक्ष घातल्यास व तसे आदेश ग्रामसेवकांना दिल्यास काही महिन्यातच संपूर्ण गावामध्ये सीसीटीव्ही शासनामार्फत उपलब्ध होतील अशी माहिती त्यांनी दिल्यावर त्वरित वरिष्ठ पोलीस निरीक्षक अनिल पाटील यांनी सर्वांसमोर पनवेलचे गटविकास अधिकारी संजय भोये यांच्याशी भ्रमणध्वनी द्वारे संपर्क साधून सीसीटीव्ही कॅमेरे उभारण्यासाठी सहकार्य करण्याचे आवाहन केले.
Tags
पनवेल