पनवेल दि.०१ (संजय कदम) : पनवेल तालुक्यातील पारगाव ग्रामपंचायतीच्या वतीने सन २०२२-२३ या वर्षात ग्रामपंचायत निधीतून १५ टक्के मागासवर्गीय खर्चातून पारगाव गावातील अनुसूचित जाती मधील बौद्ध समाजासाठी लग्न मंडपात लागणारे सर्व साहित्य तसेच अनुचित जमाती मधील कोली आदिवासी वाडीत आदिवासी समाजासाठी समाज मंदिरात सौर ऊर्जा बसवण्यात आली तसेच ग्रामनिधीतून ५% अपंग निधीतून व्यवसाय वाढीसाठी व प्रोत्साहन अनुदान सरपंच अहिल्याबाई बाळाराम नाईक यांच्या हस्ते देण्यात आले आहे.
पारगाव ग्रामपंचायतीच्या कार्यालयात झालेल्या या कार्यक्रमात ग्रामपंचायतीच्या वतीने सन २०२२-२३ या वर्षात ग्रामपंचायत निधीतून गुरुनाथ नाईक, अनंता नाईक, आशा नाईक, विश्वनाथ नाईक, किरण आवासकर, दूर्वा अनगोळकर, चरण तारेकर, कार्तिका तारेकर, लक्ष्मण वाघमारे, भाविका पाटील या लाभार्थ्यांना ग्रामनिधीतून 5% अपंग निधीतून व्यवसाय वाढीसाठी व प्रोत्साहन अनुदान, १५ टक्के मागासवर्गीय खर्चातून अनुसूचित जाती मधील बौद्ध समाजासाठी लग्न मंडपात लागणारे सर्व साहित्य तसेच अनुचित जमाती मधील कोली आदिवासी वाडीत आदिवासी समाजासाठी समाज मंदिरात सौर ऊर्जा सरपंच अहिल्याबाई बाळाराम नाईक यांच्या हस्ते बसवण्यात आली.
Tags
पनवेल