पनवेल दि.१२ (संजय कदम) : पनवेल महापालिका क्षेत्रातील प्रभाग १७ मधील नविन पनवेल सेक्टर १३ येथील ए टाईप मधील वसाहती मधील गटारांची साफसफाई व दुरुस्ती पावसाळयापुर्वी करून देण्याची पनवेल महानगरपालिकेचे माजी बांधकाम सभापती मनोज भुजबळ यांनी पनवेल महापालिकेचे आयुक्त गणेश देशमुख यांच्याकडे निवेदनाद्वारे केली आहे.
यासंदर्भात मनोज भुजबळ यांनी आयुक्त गणेश देशमुख यांना दिलेल्या निवेदनात म्हटले आहे कि, प्रभाग १७ मधील नविन पनवेल मधील सेक्टर १३ येथील ए टाईप ही नव्या घरांची वसाहत सिडकोने बांधलेली असून सदर वसाहतीमध्ये दरवर्षी पावसाळ्यात पाणी घरात भरते. अशा परिस्थितीत संपूर्ण गटारे ही वर्षानुवर्षे गटाराचे पाणी, पावसाचे तुंबणारे पाणी आणि उंदीर घुशींच्या उकरण्याणे सदर ए टाईप मधील सर्वच गटारे फुटलेली आहेत. त्यामुळे सदर गटारांतील खराब पाण्याच्या निचरा मोठ्या गटारात होत नाही.
Tags
पनवेल