हेल्मेट न वापरल्याने रस्त्यावरील अपघातात ७२ टक्के लोकांना जीव गमवावा लागला आहे, त्यामुळे हेल्मेट वापरणे सक्तीचे असावे, सन २०२१ साली हेल्मेट न वापरल्याने १८ ते ४५ वर्षे वयोगटातील ४६ हजार लोकांचा मृत्यू झाला. त्यामुळे रस्ते अपघातात मृत्यूचे प्रमाण कमी होण्यासाठी 'हेल्मेट सक्ती' हवी, असे मत व्यक्त करतानाच मोफत हेल्मेट वाटप कार्यक्रम आयोजित केल्या बद्दल भाजपचे जिल्हा उपाध्यक्ष सुधीर ठोंबरे यांचे आभार मानले पाहिजेत, असे प्रतिपादन महामार्ग वाहतूक शाखेचे पोलीस अधीक्षक तानाजी चिखले यांनी येथे केले. ।
राज्याचे वाहतूक शाखेचे अपर पोलीस महासंचालक डॉ. रविंद्र कुमार यांच्या संकल्पनेतून पनवेल येथील पोलीस केन्द्र पळस्पे आणि जिल्हा परिक्षेत्रच्यावतीने रस्ता सुरक्षा आणि हेल्मेट जनजागृती अभियान २०२३ अंतर्गत ठोंबरे यांच्या विद्यमाने मोफत हेल्मेट वाटप कार्यक्रम आयोजित करण्यात आला होता.
Tags
पनवेल