आंतरराष्ट्रीय ख्यातीच्या राज रिसॉर्ट मध्ये चोरी करणाऱ्याच्या आवळल्या मुसक्या
पनवेेल, दि.7 (वार्ताहर) ः तालुक्यातील उसर्ली, रिटघर येथील आंतरराष्ट्रीय ख्यातीच्या राज रिसॉर्ट येथे हॉटेलच्या गल्ल्यामधून चोरी करणाऱ्याच्या अवघ्या काही तासात मुस्क्या आवळण्यात पनवेल तालुका पोलिसांना यश आले आहे. ग्राहकांच्या नोंदणीची व्यवस्था पाहणारे राजेश कुंदनलाल शर्मा यांच्या तक्रारीवरून पोलीस प्रशासनाने तात्काळ कारवाई केल्यामुळे चोराला पकडण्यात यश आले आहे. सदर चोरीच्या गुन्ह्यात यश गावडे यास तालुका पोलिसांनी ताब्यात घेतल्याचे समजते.
याबाबत सविस्तर हकीकत अशी की, माजी नगरसेवक संतोष उरणकर यांच्या मालकीचे राज रिसॉर्ट हे अत्यंत विलोभनीय आणि प्रेक्षणीय रिसॉर्ट आंतरराष्ट्रीय पातळीवर देखील प्रसिद्ध आहे. राज रिसॉर्ट मध्ये ग्राहकांची नोंदणी करणे तसेच त्यांनी अदा केलेल्या शुल्काचा हिशोब ठेवणे ही जबाबदारी व्यवस्थापक राजेश कुंदनलाल शर्मा हे पाहत असतात. एक ऑक्टोबर रोजी रिसॉर्ट मालक संतोष यांनी व्यवस्थापक शर्मा यांच्याकडे एक लाख रुपये रोखीने दिले होते. शर्मा यांनी त्यांच्या ऑफिस डेस्क मधील ड्रॉवरमध्ये ते पैसे ठेवले. याच ड्रॉवरमध्ये अगोदरच्या हिशोबातले 26 हजार 500 रुपये होते. एकूण 1 लाख 26 हजार 500 रुपये मोजून राजेश कुंदनलाल शर्मा ड्रावर लॉक् केला. रात्री साडेदहाच्या सुमारास नोकरीवरून घरी जात असताना राजेश शर्मा यांना त्यांच्याजवळची चावी खिशात नसल्याचे निदर्शनास आले. त्यांनी तातडीने फोन करून ग्राहक नोंदणी आणि हिशोब या कामात मदत करणाऱ्या त्यांचा असिस्टंट यश गावडे यास फोन करून चावी शोधण्यास सांगितले. परंतु तिकडे चावी सापडली नाही.
निसर्ग संपन्न वातावरणाच्या कुशीत, शुद्ध हवेच्या सानिध्यात असणारे राज रिसॉर्ट हे अल्पावधीतच आंतरराष्ट्रीय पातळीवरील ग्राहकांची पहिली पसंती ठरत आहे. अत्यंत आदरपूर्वक पाहुणचार आणि ग्राहकांना मिळणारी अप्रतिम सर्विस यामुळे राज रिसॉर्ट उच्च प्रतीच्या दर्जाचे रिसॉर्ट म्हणून ओळखले जाते.त्यामुळे याठिकाणी कुठल्याही प्रकारची नियमबाह्य वागणूक खपवून घेतली जाणार नाही हाच संदेश या निमित्ताने दिला गेला आहे
Tags
पनवेल